2.野獸之邀 (第3/5页)

我嚟孭飛，入我數就得啦…」

    烏鴉用鷹鷙般的目光盯着他，打斷了他的辯白：「肥佬田，你做D生意捞幾多我好清楚，一個打仔啫，小小着數我冇所謂，你咁委屈，我都唔好意思要你蝕底...不過頭先你細靚廢咗我親自教出嚟嘅人，如果傳到出面，以後黑虎呢個牌頭喺黑市拳壇仲點有埞企？」

    肥佬田自知這次攤上了大事，仍拼命地解釋：「無關我事?喎，頭先三個唔係好配合嘅咩，我都係俾佢跣一镬嘅，你信我！」

    「嘁～」烏鴉嗤之以鼻：「你嗰D靓Kent直情笑大人個口，而家躺喺休息室你都唔理，湯藥費我出咩？贏咗都落晒我面，你仲好講。」

    阿羽不動聲色，眼下事態棘手復雜，烏鴉的出現讓她更加無路可走，當然肥佬田的境況也不比她好哪去，總之夠他喝一壺的。

    「烏鴉！你話過我哋兩個係自己友，我劈九佢先，剩下嘅事你點話點好。」

    「劈九佢？肥佬田你攪埚咗仲要搵人孭鑊？」大魔頭存心一副恍然大悟的表情。

    下山虎就是得理不饒人，肥佬田驚覺今天這關屬實難過了，便沉下臉來，試圖把字頭和名號掏出來壓製對方。

    「陳天雄，你咪過橋抽板！話晒我哋兩個嘅老頂都有幾分交情，咁細嘢你使唔使嘈我！」

    被直接叫出了名字，烏鴉兇相畢露，寬闊的M型嘴唇不自覺向上勾起：「嗬～真係得把死人口鳩話連篇，喺我度搵水，同我唱埋D爛鬼高調，東星龍頭嗰名都夠膽攞嚟擋身，你梗係唔想大定嘞？」

    「你…你…你要做乜？！我話你知…咪亂嚟啦，唔通你想撩起拗撬？福生一定刮你?！」

    毫無底氣的威脅自尋死路。

    「呵呵，田壽輝你邊撚位啊？你話你做D偷雞摸狗嘅仆街嘢，福哥知道係咪會濕你一鑊勁嘅？」

    「咁即係冇彎轉啫？無計傾啫？」肥佬田還在賭對方是否會動真格。

    悶熱的車庫空間，似乎一點就要炸。

    烏鴉把頭髮朝邊上一撩：「傾你阿媽做喪事啦，我今日就當幫福生清理門戶～教精你啊細佬，嘢可以亂食，話唔可以亂講啊。」

    說罷烏鴉手一揮，他的狂徒們瞬時紛擁而上，肥佬田的人舞起真刀真槍的戰鬥力幾乎等於零，只能被迫邊退邊招架。

    車庫裏打鬥聲四起，肥佬田笨拙肥胖的軀體，不得不在求生的關頭努力地快步挪動，他眼看着自己要被人群淹沒，只能轉身求他最不想求的人。

    「細羽，幫我…幫下我啦，救命，我唔想死喺度，我係你大佬啊…」他整個人撲倒在地，死死抱住阿羽的腿，汗液和眼淚蒙得臉上到處都是。

    「田壽輝你都會有今日。