2.野獸之邀 (第2/5页)

對住啲外人就舐晒屎忽，蛆都好过你。」

    肥佬田嘴一歪，瞇起眼睛：「挑那星！你話邊個係蛆？我做大嘅叫啲細做嘢，天公地道囉！出嚟行呢哋規矩都唔識，一個女人仲想籠裏雞做反啊？」

    「唔使講啦，認你做大佬嗰日就知啦...當初你要進福生，做二五仔塞死你大佬，攪到佢喺桑拿房俾人劈開十碌八碌，舊年喺水蕉朗青就差啲俾人隊冧，都係你入面攪三攪四；冇咁大個頭想戴咁大頂帽同洪興爭魚檔，驚拖埋自己落水，轉頭就篤細飛出嚟食死貓，佢跟咗你幾多年啊，你對得住佢咩？」

    阿羽細數肥佬田的惡行，並注意着他的表情：「啱啱入你堂口就想我出去做老舉，我唔肯就特登吓吓針住晒，我幫你睇場收數，開片就第一個擋，而家想紮職東星就「甕」我去死，田壽輝，做大佬，你夠quali咩？」

    一番指控說得肥佬田半刻接不上話茬，他眼珠左右晃動，提高嗓門：「口水多过茶！我即刻送你同佢哋一齊上路！」

    「慳D啦~」阿羽輕哼：「你身邊D二打六你估我唔知佢哋有幾多料？個個飲奶都冇力，打屎咩？要隊冧我，不如諗下點同你嘅好兄弟烏鴉交代啦。」

    肥佬田咬牙切齒：「你老味咁狼，揪得兩嘢大晒啊？你早D死就可以交代啦！斩開佢九碌！」

    一聲令下，那數十人步步逼近，阿羽赤手空拳，找不到任何能夠防身的家夥，只得擺開防守架勢準備與之魚死網破。

    正當圍毆在即，車庫入口那頭響起了密集的腳步和說話聲。

    「佢哋喺呢度！」

    一大批人驟然浩浩蕩蕩地集結出現，把狹小的車庫塞得水泄不通。肥佬田等人驚恐地轉身，只見一個高大的人影推開前排，趿踏跋扈的步子朝他們走來，看那肌肉健碩的身材和傲人的長腿，不是烏鴉這魔頭還會是誰。

    「哎呀～我呢哋細靚真係唔識做。」烏鴉帶着磁性無比的嗓音嬉皮笑臉地說：「啱先我話要請你食宵夜，佢哋一唔覺意就搵唔到你嘞，點唔同我講一聲就走咧？」

    肥佬田暗自叫苦，這煞神來的可真是時候。

    「烏鴉，聽我講…」他急急要開口解釋。

    「哎？」沒等肥佬田說完烏鴉擡手製止了他，歪頭朝被包圍的阿羽看了過去，鼓了好幾下掌：「犀利啊~你哋喺度做乜，開慶功宴呢度都唔係乜好地方。」

    「…烏鴉，你聽我解釋，呢個冚家鏟自把自為，同我無關嘅，我而家就隊冧佢，俾個交代你…」

    肥佬田忙不叠地為自己開解，不過這在烏鴉聽起來很沒有說服力。

    「哦，即係講，你同你細靚夾埋嚟过我一戙囉？」

    「唔係咁啊！今日呢單嘢你拳館有乜損失