分卷阅读69 (第3/3页)

惊喜，因為我响信箱内收到一封无贴邮票嘅信，我下意识就觉得应该系卓晧比我嘅，咁証明佢而家应该系安全，我不禁放下心头大石。信封内只有一隻USB手指，打开里面有三个档案：两个Word文件同一个Video档案。两个Word文件果然系卓晧写比我嘅信，第一封信卓晧写：

Ryan你好，我系卓晧，冇见你都有一段长时间，但系為左你同我的嘅安全，我只好等到而家先联络你同你报平安，累你担心左咁耐，其间你重要比佢的停职真系吾好意思。不过当你见到呢封信嘅时候，我应该已经同我细佬去左一个好遥远又安全嘅地方，你吾驶替我的担心。我相信你都应该有留意单案嘅发展，虽然果班人未定罪，但相信我比警方嘅证据都应该入到佢的罪，佢的都算系受到应得嘅制裁，呢件事都可以算系告一段落。不过我相信你心里面都重有好多疑团未解开，吾系得你帮手，我嘅计划吾会进行得咁顺利，我觉得我都应该向你交待成件事嘅来龙去脉。

集团嘅资料我一早已经準备好，但我吾想一早交比警方，咁Peter就会享渔人之利走去领功劳，佢一定要為佢所做嘅一切付出代价。多得你嘅帮忙攞到佢智能手机嘅资料，令我可以得到佢好多个人资料，当中包括证券同银行户口资料。佢离开香港去英国出席警务人员交流会议果几日就系我行动嘅时机。我趁佢吾响香港冇开手机嘅日子复製左佢部手机，用佢嘅证券户口买入左好多手孖展，最后同佢一铺清袋，製造佢收贿嘅动机。之后我将一大笔黑钱用左好多不同途径滙入滙出佢嘅户口，製造洗黑钱嘅纪录，最后再滙入左一大笔钱入佢另一个国外户口，製造佢收贿嘅证据，再加埋我将大量集团同佢嘅偽造短讯下载落佢部电话度，佢就更加水洗都吾清。所有证券及银行交易所发出嘅确认短讯同电话都比我部复製手机通通拦截，由於佢吾响香港，所以都要等到佢返到香港后先至发现，但系到时我都已经将所有证据，包括佢「收贿」嘅资料交到警方，佢都系会一身蚁，有排解释。為左要令警方对佢更加怀疑，我就响佢返香港果日令佢失踪，警方更加觉得佢系畏罪潜逃。呢个只系我复仇大计嘅第一部份。所有我為佢