分卷阅读65 (第2/3页)

假休养，我以為成件事就已经告一段落。点知有一日我开紧工嗰阵时收到Peter嘅电话，佢叫我即刻去医院睇我细佬，去到医院嗰阵时见到细佬遍体鳞伤已经昏迷左，Peter话我细佬私自行动上左去阿Ray嘅办公室攞料，点知又俾佢的捉到，比佢的糟蹋完之后仲餵左佢食好多毒品，然后弃置左响后巷度，好在有个巡逻警员见到就送左嚟医院。细佬足足昏迷左成个礼拜，医生话佢可能会变成植物人，我日日系医院陪住佢，同佢倾偈，好在佢最终都醒番，但系就有左好严重嘅后遗症，包括记忆力衰退、言语同行动嘅反应都

第135页

迟钝左好多，但系佢好肯定咁话比我知上次去阿Ray嘅办公室度系Peter叫佢去，唔系佢私自行动，根本就系Peter嘅情报有问题，累到我细佬比啲佢的捉到！而家仲屈我细佬私自行动。我真系嬲到爆，正想上去搵Peter理论，点知佢居然先发制人，要我细佬出席纪律聆讯，屈我细佬两宗罪，包括做卧底期间私吞收入，仲有私自行动令计划曝光！

我细佬帮警方做卧底搅成咁，而家仲要佢纪律处分，成件事根本就系Peter处事失误先至搞成咁，而家佢仲要将所有责任推卸落我细佬度，之后要佢转去做文职，跟住又话佢表现欠佳，态度恶劣，屡劝不改，最后仲抄埋佢添！有冇搅错呀？Peter根本就系想整走我细佬，等佢嘅恶行吾会有人揭发！我细佬点可以比佢利用完之后就过桥抽板架....简真系离晒普...，我一定要帮我细佬讨回公道！我做左好多野，搵律师要告一哥，重将细佬做卧底果阵时嘅日誌副本交上去，点知佢地话果ｄ文件系偽造，唔接纳！搅左好耐，当时警方吾想卧底单野曝光，所以成件事就襟得好实，重叫左好多高层同我讲吾好再搅咁多野，我当然吾肯罢休，得罪左好多高层，最后就连个Pfile都比人写花晒，我一怒之下就辞左职冇当差！我决心要搵Peter报复，唯一可以同警方抗衡到嘅就只有嗰班人，所以我就用左好多方法接近黄sir，帮佢手做野，好在佢唔知我同细佬嘅关系，所以黄sir都好重用我，我决心要利用佢的嘅势力帮我细佬讨回公道！

我细佬就惨啦，而家不断要睇心理医生，因為