分卷阅读52 (第2/3页)

者佢根本同我都吾存在敌意，只系我自己小人之心呢？总之呢晚同佢倾得好开心，令我更加欣赏呢个人，同佢倾偈虽然愉快，望住星星...但系都真系敌吾过睡魔嘅诱惑，开始慢慢进入梦乡，冷不妨佢问左我一个问题，搞到我成个人都突然醒左，吾知点答佢好...

卓晧：你有冇钟意嘅人呀？假如你有一个钟意嘅人，但系吾知佢知吾知道，又吾知佢对自己有冇意思，你会吾会选择同佢表白呀？吾知系吾系言者无心、听者有意，我下意识觉得佢系讲紧我，吾知系吾系我諗多左呢？我諗左几秒先有勇气答佢：幸福系要自己争取嘅，既然系钟意咪讲出离攞，成功与否，起码将来吾会后悔...卓晧呆左一呆，坐左起身，突然拧转头望住我，口唇有少少微震，欲言又止，双方对望左好耐，望住佢深不可测嘅眼神，都吾知佢諗紧羊，我脑里面就諗左好多野，最后卓晧训返低冇再讲野，不过就用手紧紧咁握住我隻手，冇耐就训著左....死啦，而家到我训吾著啦，偷望佢一起一伏嘅胸膛，合埋眼就諗起佢望住我嘅眼神，咁大个仔都系第一次遇到呢d

第111页

情况，究竟佢系吾系讲紧我呀？还是系我諗多左呢？就系咁样，我同卓晧就过左我同佢第一个晚上，亦都系最后一个晚上，因為第二日嘅任务系要持续到第三日早上，应该再冇时间训觉...晨曦初现，夏天嘅太阳特别起得早，寻晚训得吾好，咁快就要起身，倦意正浓，一股浓浓嘅咖啡香味扑鼻而至，令我精神為之一振。原来卓晧一早就起身煲好咖啡，两个人背靠背一齐望住日出嘅景緻，咸蛋黄从片片云彩中升起，咁多个月离都系第一次可以咁閒适咁坐响度享受，重要身边有佢陪住，此情此景....未至，佢究竟系边个呀？我又当佢系边个呀？佢只系一个疑似对我有好感嘅人；而我对佢又有几认识呀？可能我只系将心里面嘅幻想瞳景投射左响佢身上，我要清醒ｄ，今日我同佢就要作出正面竞争，当然吾系话你死我亡，我吾系一个好胜嘅人，亦都冇话当佢系假想敌一定要赢佢，但我做人嘅原则都系要全力以赴，呢ｄ咁虚无縹渺嘅野都系放埋一边先...叹完杯咖啡，整理好行装準备好出发，就响出发前