21.卑劣街頭 (第3/10页)

。

    碩香插入鱗獸銅爐，拍去雙手香灰，駱駝搭摟烏鴉後背坐下，用耐人尋味的眼神打量了他。

    環視一圈，烏鴉確認古惑倫不在場才開腔：「阿大，聽講你而家仲信佛，食埋齋嗰隻噃。」

    駱駝翻開木盒蓋，隨手給他支Cohiba雪茄：「我哋出嚟行，拜多D神自有神保佑嘛。」

    烏鴉暗道不妙，大丈夫無懼江湖血濺百步，就怕大哥拎出道義信仰旁徵博引，恨不得餐餐說教一番，嘮叨過中史科?塞老學究。

    「咁得閒你講D佛偈我聽，等我得益吓吖。」

    龍頭明白細靚說反話，不忘調侃道：「以前同你講道理你唔聽，一拍拖啫就轉死性？睇嚟都係小拳王啱你，仲醫返好你吊吊揈嘅性格。」

    接下來駱駝嚴肅數落，着重強調老友女兒Leah狀告控訴他始亂終棄，心碎喊到七彩的那樁為難事云云，直到下山虎再三起誓保證絕未碰過女孩半根頭髮，請駱駝往後別再扯起條筋亂點鴛鴦譜適才作罷。

    「話時話，出面吹風話你隊冧咗洪興嗰個屯門揸fit人，呢單料係咪堅嘅？」

    「邊條仆街擘大眼講大話又擺我上枱，吹水嘅嘢你信佢一成，碌撚都變形。」烏鴉回憶起韓賓在Arena   Bay時的質問，吭聲不屑：「把口生喺人哋度，冇計啦~無啦啦畀蔣天生奄咗一大舊水，呢半年就食屎喇，要搞我都去隊冧太子條撚樣先...」

    「嘿，你估當時再攪大，人哋唔會cut你睇場費咩？好喇，今次叫你過嚟係有正經嘢傾。」

    「嗱，阿大，每個月20皮嘢經費我都有交畀單位?，咪就係今個月遲咗啲啲咁囉。」

    「你做乜講到我好似追債佬咁，大佬幾時有為咗嗰D哚錢嚟嘈你。」駱駝額間一蹙，簡直啼笑皆非。

    頓了幾秒，他抬頭凝望牆上的宏幅人像：他的父親，東星第二代龍頭駱正武，扯出了正題：「雄仔，今年元朗天后誕嘅花炮，我想由你代表社團去搶翻嚟。」

    烏鴉眉骨壓低好生詫異，自和興和過底東星迄今十五年，駱丙潤平素只醉心於發展社團業務，荷蘭香港靠四仔嗎啡八面神通左右逢源，從來對這些光耀門楣的形象工程淡漠不理，縱使上年天后誕，也僅僅借50歲大壽同慶之名祭神舞獅，難得風光一把巡遊設宴。

    何況元朗十八鄉的公所鄉紳，哪個不對駱駝俯首稱臣敬重有加，東星想要贏得花炮，還不是金口一開就能手到擒來。

    「你係咪要攞丁財？同黃生打聲招呼啫，最多開翻幾圍請屏山錦田嗰D阿保阿勝食餐好飲餐勁嘅，使我出手咩？」

    「唔係大單嘢嘅話，點會搵你呢個五虎出馬？」

    面對心腹細靚滿腹疑慮，