7.初遇挫敗 (第2/7页)

去摟住他肩膀：「阿大？做乜嚟咗都唔講聲？」

    「我一時興起要來嚟睇比賽，上次咪同你講過囉，唔得咗嗱？」

    「唉吔，你早講吖嘛，等我可以嗌細路祥去接你。」

    「欸？我又唔係斷晒D手手腳腳癱撚咗，使乜咁麻煩。話時話，天雄，你D人的確有D料到，同你舊陣時一樣夠晒野，哈哈哈嗰個女仔呢？」

    烏鴉把阿羽推到前面介紹：「小拳王，呢個係我大佬，快D叫阿公。」

    阿羽擡起頭，駱駝正笑臉盈盈地看著自己，帶著贊賞有加的目光，她不情願地開了口：「阿公。」

    輕柔溫潤的嗓音悅耳動聽，駱駝不禁誇贊：「好啊，真係又靚又正仲好有型，後生可畏啊。」

    閑聊幾句，駱駝搭住烏鴉後背轉身：「天雄，其實今日耀揚都嚟咗…」

    「佢嚟做乜?？」烏鴉瞬間臉色不悅，向駱駝的座駕望去，奔雷虎身著正裝，儒雅地吸著細長的More，也看著他們。

    「你唔好咁勞氣，佢今日嚟搵我係有D嘢傾，咁啱同佢提過下你個拳賽，佢又有興趣，咪索性一齊嚟睇囉。」

    說著，雷耀揚已經走到了跟前：「烏鴉，你黑市拳呢條水搞得風生水起喎，恭喜晒。」

    「哼，雷耀揚，你唔留喺屋企發住吽哣彈你部琴，走嚟我呢度唔驚整污糟你套老西啊？」

    「得啦，天雄，嚟得嘅就係客，講少兩句啦…」

    烏鴉鄙視地瞄他一眼，雷耀揚對駱駝說：「阿大，我同烏鴉傾下。」

    「你哋慢慢傾，我就同妹妹仔爹先...」

    駱駝對阿羽很有好感，遂逮著她問東問西，年紀、名字，還有戀愛情況…

    與這樣重量級的四八九對話，阿羽壓力很大，好比面對了黑幫龍頭版的坤叔...

    「你同我有乜好傾啊，雷老闆？」

    雷耀揚遞給烏鴉一支煙，開門見山地問：「烏鴉，鬼頭係咪喺你呢度？」

    「收風收得幾好啊…係啊，兩個幾月前的確喺我呢度。」烏鴉接過煙抽起來。

    「你好清楚，呢幾年我一直喺刮緊佢。」

    「呵呵，鬼頭佢係自己主動上嚟搵我嘅，你同佢之間D嘢同我冇挐掕。」

    「你最好交佢俾我。」

    「交俾你？」烏鴉不屑地撣撣煙灰：「你不